Home 🔴 Mclarenបេីកឆ្លងផ្លូវក៍ត្រូវម៉ូតូហុងដាឌ្រីមជិះផ្លូវត្រង់ជ្រុល byCAM HOTNEWS -Monday, June 17, 2024 0 🔴 រថយន្តទំនើបMclarenបេីកឆ្លងផ្លូវក៍ត្រូវម៉ូតូហុងដាឌ្រីមជិះផ្លូវត្រង់ជ្រុលទៅបុុកបណ្តាលឲ្យរងការខូចខាតព្រមទាំងធ្វើអោយម្ចាស់ម៉ូតូរងរបួស ភ្នំពេញៈរថយន្តសេរីទំនើបMclaren តំលៃខ្ទង់លានដុល្លារបេីកឆ្លងផ្លូវខ្វះការប្រុងប្រយ័ត្ន ក៍ត្រូវម៉ូតូហុងដាឌ្រីម ជិះដោយបុរសម្នាក់ផ្លូវត្រង់ ជ្រុលទៅបុុកបណ្តាលឲ្យអ្នកជិះម៉ូតូរងរបួស ។ ហេតុការណ៍នេះដែរបានកេីតឡើងនៅវេលាម៉ោង ៧និង៣៥នាទីយប់ ថ្ងៃទី១៦ ខែមិថុនា ឆ្នាំ២០២៤ ចំនុចអតីត Rang club ផ្លូវជាតិលេខ២ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ តាមប្រភពពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសជាជនជាតិថៃ២នាក់ បានបេីករថយន្តសេរីទំនើបម៉ាក Mclaren 560S ពណ៌ខ្មៅ ពាក់ស្លាកលេខ កម្ពុជា S.M.8989 បានបេីកចេញពីរោងចក្រមួយកន្លែងជិតកន្លែងកើតហេតុ ហើយឆ្លងកាត់ទទឹងផ្លូវ បំរុងឡើងទៅរកស្តាំរបស់ខ្លូន ឆ្ពោះទៅស្ពានអាកាសក្បាលថ្នល់ តែគាប់ជួនពេលនោះ ក៍ស្រាប់តែបុរសម្នាក់ បានជិះម៉ូតូហុងដាឌ្រីម ពណ៌ក្រហម ពាក់ស្លាកលេខ តាកែវ 1Y 2638 បានជិះធ្វើដំណើរតាមបណ្ដោយផ្លូវជាតិលេខ២ ទិសដៅពីជើងទៅត្បូងក្នុងល្បឿនលឿនហេីយខ្វះការប្រុងប្រយ័ត្នដូចគ្នា ក៍ជ្រុលទៅបុកបញ្ចិតពីក្រោយរថយន្ត បណ្តាលឲ្យដួលអូសខ្ទាតទៅចិញ្ចេីមផ្លូវ ព្រមទាំងធ្វើឲ្យមនុស្សរងរបួស រងរបួសដៃនិងជើងខាងឆ្វេងហូរឈាម ត្រូវបានដឹកតាមម៉ូតូកង់បីយកទៅសង្គ្រោះនៅគ្លីនិកឯកជនភ្លាមៗ ។ ដោយឡែកខាងរថយន្តវិញ រងការខូចខាតកាងក្រោយចំហៀងខាងឆ្វេងបន្តិចបន្តួច ហើយភ្លាមៗនោះអ្នកបេីកបរបានបេីករថយន្តចេញទៅមួយសន្ទុះក៍បេីកត្រលប់មកកន្លែងកើតហេតុវិញដេីម្បីធ្វើការដោះស្រាយគ្នាផងដែរ ។ ក្រោយពេលកេីតហេតុ ដោយសារតែមិនទាន់មានតំណាងណាអានិយាយដោះស្រាយគ្នាបាន មធ្យោបាយទាំងអស់ត្រូវសមត្ថកិច្ចមូលដ្ឋានប្រគល់អោយផ្នែកជំនាញចរាចរណ៍ផ្លូវគោកធ្វើការវាស់វែងយកទៅរក្សាទុករងចាំដំណោះស្រាយ
Post a Comment